كشف الفنان خالد سرحان فى تصريحات تليفزيونية عن أكثر الأعمال التى يتمنى تقديم جزء ثانٍ منها ليكرر التجربة مجدداً. وقال إنه يتمنى تقديم جزء ثانٍ من فيلم «التجربة الدنماركية» مع الزعيم عادل إمام، وأحب نعمل الجزء الثانى والأبطال موجودين والأستاذ عادل موجود ربنا يديله الصحة هو اللى اكتشفنى، ودعم نجوم كتير وهو أسطورة كبيرة وصعب تكرارها وربنا يديله العمر. فى الوقت ذاته تحدث خالد سرحان عن مشاركته فى مسلسل «المداح» بمواسمه الـ4، وقال: «كل الناس عايزين جزء جديد من المسلسل، لكن الموضوع صعب إنك لازم تعمل حاجة أعلى من اللى فات، وده الصعب فى موضوع الأجزاء لأنك لازم تقفل حلو، لأن كمان موضوع المسلسل شائك ولو مش مقنع 100% هيقلب كوميدى، لكن إحنا بنحضر كويس وبننتج كويس، والمؤلفين بيبحثوا كتير وبيقدموا حاجات بين السطور خلال المشاهد». وأكد خالد سرحان التحضير للجزء الخامس من مسلسل «المداح» ليتم عرضه رمضان 2025.