تحدثت الفنانة أنوشكا، عن نجاح مسلسل "فرقة ناجي عطا الله"، الذي قدمته مع الزعيم عادل إمام، موضحة أن الفنان الكبير عادل إمام هو الذي أختارها لكي تقدم دور حبيبته في المسلسل. وقالت أنوشكا، خلال مداخلة هاتفية في برنامج «تفاصيل»، مع الإعلامية نهال طايل، «بعتبر عادل إمام مبقاش كبير من فراغ.. هو اسم على مسمى، وكل اللي أقدر أقوله على عادل إمام هو كمية كبيرة من البساطة ومن الأبوة مش بس ليا، لكن لفريق المسلسل كله، وسافرنا مع بعض في أكتر من بلد، وكان بيطمن علينا قبل ما نخش ننام أو يشوف حد فينا لو محتاج حاجة». وأوضحت أنوشكا أن اختيارها للعمل كان من قبل الزعيم عادل إمام برفقة المخرج رامي إمام، بعد دورها في «قانون المراغى»، وهو تابع العمل ثم تحدث معها أحد صناع العمل وأخبرها بأن هناك شخصا ما سوف يتصل عليها. واستكملت أنوشكا، حديثها قائلة: «جالى تليفون بقول ألو.. قالى أنا عادل إمام عاوزك في المسلسل بتاعي، قولولتله مضيت يا أستاذ.. قالي هتمضى كده عميانى.. مشيت كده عميانى وراك من غير ما أقرى الدور». واختتمت أنوشكا، حديثها قائلة: «من أحلى الأوقات لما تقعدى مع عادل إمام وتتكلمي معاه وتاخدي رأيه في حاجة، خصوصاً المشاكل الإنتاجية اللي بنمر بيها في الوقت الحالى، وبعتبر بساطته سر قوته وتعلق الناس بيه، وهو واحد مننا وكبيرنا ومهما أقول عنه مش هقدر أوفي حقه».