تحدثت الفنانة ليلى أحمد زاهر، عن حبها للعائلة وتقديرها لدورها كأم، كاشفة عن رغبتها في الزواج والإنجاب في سن صغيرة. وقالت ليلى أحمد زاهر، في تصريحات تليفزيونية، "بحب العيلة وعايزة أبقى أم صغيرة وقريبة من أولادي، أنا مش من الناس اللي بتقول مش عايزة أبوظ جسمي وعايزة أحافظ على رشاقتي، كله بيبوظ في الآخر، العيلة بالنسبة لي شيء مقدس وبحب أكون جزء منها". وعلقت زاهر على علاقتها بخطيبها الفنان هشام جمال، مشيرة إلى أن الأمان والاحترام هما أساس علاقتهما. وتابعت، "لما تلاقي حد خايف عليك بجد من قلبه ومحترم جدًا وبيحافظ عليك زي ما أبوك طول عمره عاش حياته كلها واشتغل وتعب عشان يحافظ عليك، لما تلاقي حد مصدر الأمان في الحياة خلاص مش بتبقى عايز حاجة تانية".   الجدير بالذكر أن آخر أعمال ليلى زاهر، هو مسلسل "أعلى نسبة مشاهدة" وشاركها البطولة سلمى أبوضيف، انتصار، محمد محمود، فرح يوسف، هند عبدالحليم، إسلام إبراهيم، والعمل من تأليف سمر طاهر، وفكرة وإخراج ياسمين أحمد كامل.