حرصاً منه دائماً على دعم المواهب الشابة، أعلن النجم تامر حسنى، من خلال حسابه الشخصى على موقع الصور والفيديوهات «إنستجرام»، عن إتاحة الفرصة لجميع المواهب الشابة لغناء أغنيته الجديدة «فعلاً مبيتنسيش». وقال تامر: بخصوص إقبال الشباب الموهوب على غناء أغنية فعلاً مبيتنسيش، هنزّل نسخة من الأغنية كليب مخصوص بينى وبين رامى وفى أماكن فاضية لغنائكم عشان تبقوا شاركتونا الغناء بجد والديو يبقى تريو. وأكمل تامر حسنى: وعايزكم تغنوا أحسن ما عندكم عشان نشوف مين هيطلع يغنيها معانا فى إحدى حفلاتنا اللى جاية إن شاء الله، ونسخة كليب أُخرى فيها رامى بس ومكانى فاضى عشان اللى عايز يغنى مع رامى مكانى، ونسخة فيها أنا بغنى بس ورامى مش معايا عشان اللى عايز يغنى معايا. وتابع: وكمان هنزل نسخة موسيقى بس للى عايز يغنى الأغنية كلها بأعلى كواليتى، وهنراعى اختلاف الطبقات الصوتية، يعنى هيكون فى نسخة مزيكا نفس طبقتنا الأصلية، ونسخة أقل تون عشان تبقى أكتر راحة لبعض المواهب، وكمان نُسخ نسائية طبقتها أعلى 3 تون عشان النُسخ كلها تنور فى أصوات الجميع.