شارك الفنان محمود الليثى، مقطع فيديو له من كواليس تصوير حلقة «الدم عمره ما يبقى مياه»، ضمن الموسم الثانى لمسلسل «ساعته وتاريخه». ونشر محمود الليثى مقطع فيديو له عبر صفحته الشخصية على موقع التواصل الاجتماعى «إنستجرام»، وعلق عليه قائلاً: «مصر فيها ملايين من الصم.. وللأسف هما بيعانوا طول الوقت فى الشارع وفى التعامل مع الناس لأن للأسف عدد المترجمين والمطلعين على لغة الإشارة قليل أوى بالمقارنة بعددهم». وتابع: «أنا سعيد أنى قدمت الشخصية دى لأنها علمتنى حاجات كتير وخلتنى مهتم أكتر بمجتمع الصم، أنا حابب أشارككم شوية كواليس من الحلقة اللى بجد كانت مجهدة لأبعد الحدود، لأنه بخلاف لغة الإشارة وصعوبة المشاهد أنا قعدت أكتر من 48 ساعة مش بتكلم مع أى حد سواء فى البيت أو الشغل عشان أقدر أحس باللى هما بيحسوا بيه وأجبر نفسى أنى أتعامل بالإشارة، والحمد لله كل اللى حوليا قدَّروا ده وساعدونى عليه، لدرجة أن الناس فى اللوكيشن بدأوا يكلمونى بالإشارة، والتحدى الفنى بالنسبة لي أن آخر ممثل قدم النوع ده من الأدوار كان الأستاذ فاروق الفيشاوى فى فيلم الجراج، ومن قبله الأستاذ نور الشريف فى الصرخة». وأضاف: «التحدى كبير ليا أنى أحاول أقدم الشخصية بطريقة مختلفة، وختاماً، ياريت نحاول كلنا ننشر ثقافة تعلم لغة الإشارة ".