رسالة مؤثرة ومعاني عميقة شاركها الفنان تامر حسني عبر السوشيال ميديا، بعد نشر لوحة تشكيلية مرسومة بخط اليد. تامر شارك الصورة عبر حسابه الخاص على إنستجرام، قبل بدء شهر رمضان المبارك، بهدف إيصال حكمة منها، داعياً إلى ضرورة التسامح والرحمة بين الناس. وكتب معلقاً عليها : "على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميل". تابع : "تفتكروا لو اللي شايل كل الناس دي على ضهره لو حد من اللي شايلهم غلط فيه أو ظلمه أو حد سخنه و خلاه يقول كلام مش فيه أو شتمه لو اللي شايل الناس دي كلها قرر يقوم و يقف و يرد عليه !! هيحصل إيه للناس دي كلها اللي ملهاش ذنب !!؟". وأضاف : "أكيد هيقعوا و يتعوروا و هما ملهمش ذنب و خصوصاً إن اللي شايل الناس دي كلها هو شايلهم لإنه بيحبهم كلهم فا أكيد هيلتمس للي بيحبهم مليون عذر و عذر و خصوصاً ان اللي متشالين عشان هما فوق فمش شايفين معاناة اللي شايل عشان كده ربنا بيدي الشخص المسؤل عن ناس كتير أو موظفين أو عيلة قوة تحمل و صبر و حكمة و رحمة مش عند حد و عشان كده ربنا بيباركله في مشواره اللي ماشيه و هو شايل كل دول من غير ما يشتكي بل بالعكس مستمتع و هما على ضهره". وأنهى تامر رسالته بمشاركة العبرة التي استخلصها من الصورة فكتب : "وصف الرسول عليه الصلاة و السلام الرجل القوي الشديد باللي بيمسك نفسه عند الغضب مش اللي بيتخانق و يضرب يلا نبدأ الشهر بالتسامح و الرحمة و رمضان كريم على الجميع".