تصدر النجم هشام ماجد، تريند صفحات مواقع التواصل الاجتماعي المختلفة من خلال مسلسله "أشغال شقة جدا" الذي يخوض به السباق الدرامي الرمضاني الحالي. ووجه ماجد الاعتذار لكل من انتقد إفيهات المسلسل في تصريحات تلفزيونية، حيث قال: العمل مفيهوش أي عنصرية أو طبقية والحاجات اللي بضايق الناس، وانزعجت من الانتقادات اللى مش في محلها أنك تنقد أو تتهمنا لمجرد النقد، ولو حد أضايق فأحنا بنعتذرله وغير مقصود على الإطلاق. وتابع: العمل أتقدم في إطار الكوميديا كلها فرضيات بنشوفها في الحقيقة ولو حد لاحظ كده في المسلسل إحنا بنعتذرله وهنحاول بعد كده نأخد بالنا من الموضوع ده. وأضاف: كنا بنأخد بالنا أن بنقدم مسلسل عائلي كوميدي بيتفرج عليه أطفال وكنا طول الوقت واخدين بالنا متبقاش في حاجه فجة أو تحرج حد، فأتمنى يكون ده وصل للناس. مسلسل "أشغال شقة جدا" بطولة هشام ماجد، أسماء جلال، مصطفى غريب، محمد عبد العظيم، وعدد كبير من ضيوف الشرف منهم آية سماحة، إسلام مبارك، ناهد السباعي، رحاب الجمل وآخرين.