تحدث الفنان دياب عن شخصية «أسعد»، والتي جسدها ضمن أحداث مسلسل «قلبي ومفتاحه» الذي عرض ضمن الموسم الدرامي الرمضاني الحالي وتأثيرها الكبير عليه في حياته الخاصة. وقال دياب، عبر تصريحات إذاعية له: «أنا أول مرة في حياتي كاركتر يروح معايا البيت، أنا عملت أشرار كتير وطيبين، ولا كاركتر روح معايا، "أسعد" روح معايا وعملي مشاكل في حياتي، أكتر عدد خناقات اتخانقتها في البيت من ساعة ما تجوزت وقت ما أنا بعمل المسلسل، مراتي عانت جدا جدا، كنت عصبي وطباعي فيها تغيير ومش بطيق أي كلمة». وأكمل دياب: «في ناس كتير خافوا مني وميعرفوش أن أنا أغلب من الغلب، أنا نفسيا لسه بحاول أتعافى من "أسعد" لسه نومي مش أحسن حاجة لكن مع الوقت هبقى كويس». وعرض مسلسل «قلبي ومفتاحه» في النصف الأول من شهر رمضان 2025 وتكون من 15 حلقة.