قام الفنان الشاب ياسين السقا، نجل الفنان أحمد السقا، بالرد على الانتقادات حول تجربته التمثيلية فى مسلسل «سيد الناس»، الذى عرض فى موسم رمضان الماضى. قال ياسين السقا عبر حسابه الشخصى بموقع «إنستجرام»: «فى ناس زعلانة من منشور نزلته من كام يوم واتهاجمت عليه كتير، وللأسف فى ناس زعلت منى واللى فى بالى دول بعتذر لهم لأن فى ناس فعلا ًبتنتقد باحترام». وأضاف ياسين: «حتى لو الدور مكنش كبير ومش مفهوم أوى من الجمهور، أنا متقبل ده تماماً وداخل المسلسل وعارف ده، وفيه الحمد لله اللى فهموا الدور واللهجة والكلام المكسر، ودا عشان طارق عايش طول عمره فى لندن» واعتذر ياسين السقا فى نهاية حديثه لجمهوره ولكل من فهم منشوره الأخير بشكل خاطئ، الذى تحدَّث فيه عن تجاهله لجميع الانتقادات، حيث قال: «أحب أقول للمحترمين إنى بعتذر على المنشور اللى نشرته، وللحاقدين ربنا يهديكم وأنا هنجح وهتشوفوا إن اللى خلف مامتش». يذكر أن مسلسل «سيد الناس» بطولة عمرو سعد، وإلهام شاهين، وريم مصطفى، وأحمد زاهر، وأحمد رزق، وإنجى المقدم، وخالد الصاوى، ومنة فضالى، ونشوى مصطفى، ورنا رئيس، وملك أحمد زاهر، وأحمد فهيم، تأليف خالد صلاح ومحمد سامى، وإخراج محمد سامى.