كشفت الفنانة كارولين عزمى عن أصعب موقف فى حياتها، حيث قالت: "كنت أول مرة أحس يعنى إيه كسرة قلب، كنت أول مرة أقع أوى". وتابعت كارولين عزمى خلال تصريحات إعلامية: "كل حاجة فى حياتى ضايقتني هى حصلت لسبب، مثلاً كان فيه حد فى حياتى وكنت متعلقة بيه وبحبه أوى، وأنا لما بحب بتعمي، حبيته بس محصلش توافق بينا". وأكملت: "فضلنا سنين مع بعض، ولما جيت أبعد عرفت يعني إيه كسرة قلب، كنت بكلم ربنا وبقول له ليه يارب حطيت حبه جوايا، ما دام هتاخده، وكان عندي عدم رضا جوايا، وكنت كارهه نفسى والناس، وبنام 21 ساعة في اليوم". واختتمت: بعد ما عدت السنين وربنا هدانى، لاقيت نفسي بقول ، إني كان لازم أمر بالتجربة دي، لأن بعد العلاقة دي أنا اتعلمت إزاي أشتغل على نفسي، وعلى ثقتي في نفسي، وإزاي أحب نفسى.