كشف الفنان إياد نصار عن سبب اتجاهه لخوض تجربة الإنتاج. وقال إياد نصار، عبر تصريحات تليفزيونية له: «ابتعدت عن الاستثمار الكسول اللى هو العقارات اللى أهلى من المقتنعين بيه، أنا بصراحة اللى كنت بفكر فيه أنا ممثل لكن فى لحظة من اللحظات هتروح عنى الأضواء لازم أكون متوازن نفسياً، إزاى أقبل المرحلة دى.. هل أقعد واستخبى واختفى ولما أرجع أظهر يقولوا الله إياد نصار دا كان فين، ولا فين أروح؟». وأضاف نصار: «بالصدفة وأنا بفكر فى السؤال وكأنها إشارة من ربنا، شفت لقاء مع فريد شوقى، وهو كان منتج وكان بيقول أنا فلوسى جاية من التمثيل هوديها فين هشغلها فى التمثيل، حسيت للحظة أن فى منطق ورا الموضوع وهو (الملك) يعنى فى مكانه حتى كمنتج عمل حاجات كتير مهمة حسيت أن هى إشارة، أنا كممثل هل هبقى مخرج؟ لأ مش مقتنع بالفكرة، أنا هكون منتج».