علق الفنان محمد عبدالرحمن على الانتقادات التى وُجهت لمسلسل «برستيج»، الذى شارك فى بطولته، وانتهى عرضه مؤخرًا على إحدى المنصات الإلكترونية. وقال محمد عبدالرحمن عبر تصريحات تليفزيونية له: «فى مثل بيقول لولا اختلاف الآراء لبارت السلع.. أكيد هيعجب ناس، وناس هيعجبها بنسبة معينة، وناس مش هيعجبها خالص». وتابع: «بالنسبة لى بحب أسمع النقد اللى يقولى غلطان فى إيه قبل ما أسمع الرأى اللى يقولى برافو عليك، ومبتضايقش خالص لما حد يقولى كان المفروض تعمل كذا، ده بيخلينى فى التجارب اللى بعد كده أفهم وأظبط شغلي». واختتم: «ثقة الناس فيا بتدينى ثقة.. انقسام الناس معناه أن المسلسل كويس، المسلسل عمل حالة جديدة». مسلسل «برستيج»، بطولة محمد عبدالرحمن (توتا)، مصطفى غريب، سامى مغاورى، دينا، راندا عوض، محمد عبدالعاطى تأليف إنجى أبوالسعود وإخراج عمرو سلامة.