فى تصريحات تليفزيونية جديدة، تحدث النجم المصرى محمد صلاح، لاعب نادى ليفربول الإنجليزي، عن ميول ابنته مكة، كاشفاً عن أنها لا تميل لكرة القدم مثل والدها، بل تمتلك شغفاً آخر. وقال صلاح: مكة مش بتحب الكورة أوي، هى بتحب التمثيل، مشيراً إلى أنها أبدت رغبتها العام الماضى فى خوض تجربة التمثيل. وتابع: فى رمضان اللى فات قالتلى إنها عايزة تمثل، وأنا قلت لها هظبطلك حاجة.. بس رمضان الجاى على حسب الأدوار اللى هتجيلها. وأضاف نجم الفراعنة أنه لا يسعى لدعمها فى المجال لمجرد كونها ابنته، بل لأنه يؤمن بضرورة أن تثبت نفسها بنفسها، قائلاً: أنا مش عايزها تشتغل عشان بنتي، عايزها تشتغل لو فعلاً كويسة.. ولو مش كويسة تشوف حاجة تانية ممكن تكون مناسبة ليها.