كشف الفنان كريم محمود عبد العزيز جانباً إنسانياً من حياته الخاصة، متحدثاً عن علاقته ببناته الثلاث، كندة وخديجة وحبيبة، وطريقة تعامله معهن فى الأماكن العامة، بعيداً عن القيود التقليدية. وقال كريم فى تصريحات إذاعية: بتعامل معاهم بطبيعتي.. لو جوايا طفل صغير، همشى وأتنطط وألعب، حتى لو الناس شايفانى فنان، ده مش فارق معايا، لازم يشوفونى على حقيقتى عشان يفهموني. وأضاف مازحاً: هما ساعات بيزعقولي، بس مش بقلة أدب.. بهزار، وأنا بحب أعيش اللحظة معاهم وأكون أب صاحِب، مش الأب اللى يقفل عليهم ويقول يلا نمشي.