كشفت الفنانة غادة عبد الرازق عن طبيعة الأدوار التي تعرض عليها باستمرار، مشيرة إلى أنها غالبًا ما ترشح لتجسيد شخصية المرأة القوية أو البطلة الشعبية، وليس دور المرأة الشريرة كما يعتقد البعض. وقالت غادة عبد الرازق في تصريحات تليفزيونية: "المخرجين بيحصروني في دور المرأة القوية، مش الشريرة، لأن الناس بتحب تتفرج على البطل بتاعهم، سواء كان راجل أو ست، زي أفلام فريد شوقي.. البطل الشعبي اللي بياخد حق الناس. هم شايفين إن غادة عبد الرازق هي البطلة الشعبية اللي بتاخد الحق ، ومحدش يقدر يقف قصادها". وأضافت: "النوع ده من الأدوار ناجح جدًا معايا، والناس بتحب تشوفه مني، وعلشان كده حتى لو بيغيروا في التفاصيل، بيحرصوا إن غادة تفضل تمثل نفس الخط القوي". وعادت غادة عبد الرازق إلى تصدر التريند خلال الساعات الماضية، بعد الإعلان عن مشاركتها في فيلم "أحمد وأحمد"، في ظهور سينمائي يعد الأول لها منذ فترة طويلة ركزت خلالها على الأعمال الدرامية. حيث تظهر كضيفة شرف إلى جانب النجمين أحمد السقا وأحمد فهمي.