تحدث الفنان عماد رشاد عن رؤيته لمستقبل الفنانين الشباب في ظل التطورات الكبيرة التي يشهدها الوسط الفني، مؤكدًا أهمية الإدارة الحكيمة للأموال وضرورة الاختيار المدروس للأدوار لضمان الاستمرارية والنجاح الفني والمادي. وقال رشاد في تصريحات صحفية: "الفنان لما بيكبر دخله بيقل، لأنه مش هيقدر يشتغل بنفس الطاقة اللي كانت عنده، وعدد الأعمال بيقل، والمفروض الإنسان يراعي مستقبله ويأمّن عيلته.. اللي بيشيل للزمن أو يحط فلوسه في أصول، ده اللي بيشيله وقت الكبر". وأشار إلى أن النجاة المالية لا تكمن في الادخار التقليدي فقط، بل في الاستثمار الذكي، متابعًا: "الفنانين الكبار زمان كانوا دايمًا يقولوا: القرش الأبيض ينفع في اليوم الأسود.. وأنا بنصح الجيل الجديد إنه ميشلش فلوس تحت البلاطة، لكن يحطها في أصول زي أراضي أو عقارات أو ودائع بنكية طويلة الأمد". وعن الفرص المتاحة للجيل الجديد، أبدى عماد رشاد تفاؤله قائلاً: "الجيل الحالي عنده فرص أكتر بكتير وعدد الأعمال زاد، لكن عليهم التنويع في اختياراتهم، الجيل ده موهوب جدًا وطاقته حلوة أوي".