وجه الفنان كريم الحسيني الشكر للفنانة دنيا عبدالعزيز، بعد زيارتها لزوجته للإطمئنان على حالتها الصحية في المستشفي بعد خضوعها لعملية جراحية. وشارك كريم الحسيني صورة جمعته بزوجته ودنيا عبدالعزيز عبر حسابه الرسمي على «فيسبوك»: «مش هاقولك شكرًا على كل موقف عملتيه معايا من ساعة ما عرفتي لأن ده مش جديد عليكي.. لكن هاقولك ربنا يبارك لك ويردهولك في حياتك وبيتك وميزان حسناتك، لأنك يا دنيا حقيقي عملتى معايا نفسيًا اللى طول عمرى كنت بحلم بيه من الإخوات وبعضهم». وأضاف: «انتى مش أختى من ساعة فيلم الجراچ، انتى أختى اللى ماولدتهاش أمي.. ربنا يبارك لنا فيكي يا دودو، وأنا مطمن بوجودك وآراءك في كل اللى جاى من مرحلة العلاج لأنك طلعتى دكتورة وبتفهمي في الطب يا دكتور دنيا».