كشف النجم محمد حماقى عن السبب الحقيقى وراء عدم خوضه تجربة التمثيل حتى الآن، رغم النجاحات الكبيرة التى حققها فى مشواره الغنائى، مؤكداً أن خطوة التمثيل ليست غائبة عن تفكيره، لكنها مؤجلة حتى تأتى الفرصة المناسبة التى تلامس قناعاته الفنية. وقال حماقى فى تصريحات تليفزيونية: التمثيل بالنسبة لى حلم من زمان، من أول ما غنيت أغنية «بتضحك»، جات لى عروض وأفكار كتير، لكن كنت دايماً حاسس إنها مش الفكرة اللى أقدر أبدأ بيها، أو مش الدور اللى يخلينى متحمس أقدمه، يمكن علشان أنا مش دارس تمثيل ومش متخصص أوى فى المجال ده. وتابع: فى المزيكا أنا حر، بقدر أفكر وأنفذ اللى فى دماغى، لكن فى السينما الوضع مختلف، لازم يكون فى سيناريو قوى، وفكرة تخلينى متحمس، وأنا مش هعرف أكتب الفيلم بنفسى علشان كده الموضوع متأجل. وأضاف حماقى: نفسى أعمل تجربة سينمائية قبل ما الرحلة تخلص، بس فى نفس الوقت مش هعمل حاجة وخلاص علشان يتقال إنى مثلت، أنا مستنى فكرة تبهرنى، ولو جاءت، أكيد مش هتردد.