حكت الفنانة سماح أنور كيف دخلت عالم التمثيل موضحة أنها بدأت في سن صغير وهي في المرحلة الثانوية، وكانت البداية لمجرد إنقاذ موقف. وقالت سماح عبر تصريحات إذاعية لها: «أنا دخلت كلية الآداب قسم فرنساوي حضرت لحد سنة 3 لأني من أولى جامعة كنت بشتغل ابتديت شغل في ثانوية عامة، أول حاجة خالص كان في مسرح التليفزيون وكانوا بيعملوا مسرحيات للتليفزيون أبويا كان بيألف وينتج المسرحيات دي». وأضافت «أبويا كان بيعمل رواية وكانت روايات التليفزيون دي بتتعمل بروفات وبعدين يصوروا، بعد ما عملوا البروفات النهائية البطلة كان عندها تصوير في استديو مصر ووقعت ورجلها اتكسرت وبلغوا أبويا أن مفيش تصوير عشان مش هينفع تمثل». وختمت أنور حديثها: «كان عندي 15 سنة وكنت قاعدة في الأوضة منتظرة بابا وبحلم أنهم هيندهولي وبعمل الرواية والناس بتسقف لي، ولقيت ماما داخلة عليا وبتقولي بابا عايزك، طلعت ليهم سألني أستاذ عبد المنعم مدبولي، وكان هو مخرج الرواية أنتي حافظة الرواية كان فيها مونولوجات كتير، قلتلهم أني حافظة وفعلا قلت فاقتعنوا بيا وكنا بننقذ الموضوع مش أكثر».