وجهت النجمة أنغام، رسالة صوتية مؤثرة لجمهورها عبر حسابها على موقع التواصل الاجتماعي "فيسبوك" بعد تجاوز أزمتها الصحية الأخيرة، عبرت خلالها عن امتنانها لكل من دعا لها وساندها. وقالت أنغام: "أنا فكرت أكتب ولا أتكلم معاكم بصوتي وأقولكم شكرًا لكل واحد وقف جنبي ودعالي حتى لو مش بيحبني، أنتم دعيتوا وربنا استجاب، ودعاكم كان هو الدواء، وهو اللي خلاني أقف على رجلي بعد ربنا". وأضافت: "مش عارفة ما أبكيش من فرحتي وامتناني لله وليكم، أنتم كمان دعيته لأم اتمنت من ربنا إنها تكمل شوية حياة مع أولادها وتفرح بيهم وترجع تعيش وسطهم تاني. أنا كان كل خوفي أسيب ولادي، مش عايزة حاجة من الدنيا غير بس بدعي ربنا أرجعلهم ونفسي أكمل معاهم شوية". وتابعت أنغام باكية: "لما شوفت دعواتكم وأنا في المستشفى كنت بفضل مفتحة عيني عشان أقوم، دعواتكم كانت أكلي وشربي ودوايا الحقيقي، وسبب إن أم ترجع تعيش مع أولادها تاني". واستكملت: "مكنتش عايزة حاجة من الدنيا غير أرجع لولادي وأعيش معاهم، عمري ما كنت بالضعف دا، لكن مش خجلانة من ضعفي قدامكم، أنتم أهلي ومش عيب أضعف قدامكم". واختتمت: "بشكر ولادي وأمي وصحابي وإخواتي وكل واحد ساعدني في مرضي حتى لو حرك السرير فقط".