حرص النجم هاني شاكر، على توجيه رسالة دعم للنجمة أنغام بعد عودتها إلى مصر عقب إجرائها جراحة دقيقة في ألمانيا. ونشر شاكر، صورة جمعته بها وعلق قائلا: "صديقتي وأختي الغالية.. ألف حمد الله على سلامتك، نورتي مصر وطمنتينا عليكي، في انتظار جديدك وفنك المحترم يا صاحبة الإحساس الجميل". وفي أول تعليق لها بعد الأزمة الصحية، شاركت أنغام رسالة صوتية عبر حسابها على موقع التواصل الاجتماعي "فيسبوك"، عبرت خلالها عن امتنانها لكل من ساندها ودعا لها. وقالت أنغام: "أنا فكرت أكتب ولا أتكلم معاكم بصوتي وأقولكم شكرًا لكل واحد وقف جنبي ودعالي حتى لو مش بيحبني، أنتم دعيتوا وربنا استجاب، ودعاكم كان هو الدواء، وهو اللي خلاني أقف على رجلي بعد ربنا". وأضافت: "مش عارفة ما أبكيش من فرحتي وامتناني لله وليكم.. انتوا كمان دعيتوا لأم اتمنت من ربنا إنها تكمل شوية حياة مع أولادها وتفرح بيهم وترجع تعيش وسطهم تاني.. أنا كان كل خوفي أسيب ولادي، مش عايزة حاجة من الدنيا غير بس بدعي ربنا أرجعلهم نفسي أكمل معاهم شوية".