كشفت الفنانة داليا البحيرى عن صيف صعب هذا العام، وصفته بأنه من أسوأ فصول الصيف التى مرت عليها، بعدما واجهت سلسلة من الأحداث المرهقة ابتداءً من نقل منزلها، مرورًا بإصابتها بنزلة برد حادة هى وزوجها، وانتهاءً بانفجار إطار سيارتها أثناء عودتهما من الساحل الشمالي. ونشرت داليا عبر حسابها على «إنستجرام» صورًا لإطار السيارة المتضرر، وعلقت: "الحمد لله على كل شيء.. لازم نحمد ربنا على كل حاجة وفى كل وقت... اللى يعرفونى كويس يعرفوا أنى من محبى الصيف جدًا.. أحب البحر والشمس والسمار ولمة العيلة وكل شيء فى الصيف جميل، حتى فاكهته، لكن الحقيقة هذا العام كان من أصعب الصيفيات التى مرت عليا". وتابعت: "يتخللها بعض اللمحات الجميلة مع العيلة وبعض الأيام الطيبة.. بس للأسف كنت مضغوطة جداً.. كنت بعزل من بيت لبيت.. ودى كانت حاجة مفاجأة مش مترتب لها عشان كده كنت مشدودة.. مناعتى وقعت وبقالى ٣ أسابيع عيانة جدًا! جالى دور برد أو كورونا أو زى ما تحبوا تسموه.. ولما ابتديت أخف شوية حسن جوزى اتعدى وتعب جدًا! أكتر منى بكتير لدرجة إننا اضطرينا نروح مستشفى! وقعدنا ٤ ساعات هناك فى الديب فريزير! تكييف عالى جدًا جداً لدرجة كنا موجوعين من البرد.. رجعنا من المستشفى وبعد أقل من ساعة كانت حرارتى طلعت تانى ورقدت ومن يومها وأنا مش بتحسن".