كشف الفنان شريف رمزي عن كواليس طريفة جمعته بالزعيم عادل إمام أثناء مشاركته في أحد الأعمال الفنية معه، مؤكدًا أن هذا المسلسل كان نقطة تحول مهمة في حياته الشخصية. وقال رمزي في تصريحاته: "أستاذ عادل إمام من أحلى الأعمال اللي بحبها، ومن خلال المسلسل ده عرفت مراتي ريهام واتجوزتها." وأضاف: "أستاذ عادل كان واخد باله جدًا، كان ييجي يخبط علينا وإحنا قاعدين في الكرفان ويقولّي: إنت سايب العيال وقاعد هنا ليه؟ وأقوله: يا أستاذ عادل، هقعد مع فلوكس وعبد الحافظ ولا مع ريهام؟" واستكمل ضاحكًا: "بعد الجواز كلمني وقالّي: إنت خدت البنت وعملت دور حلو وخلفت كمان، إنت أكتر واحد كسبان من المسلسل ده، أنا ماكسبتش زيك."