طمأن الفنان أحمد سعد جمهور النجم تامر حسنى على حالته الصحية بعد العملية الجراحية التى خضع لها مؤخرًا لاستئصال جزء من الكلى، مؤكدًا أن حالته مستقرة ويتعافى تدريجيًا. وأوضح سعد، فى تصريحات تليفزيونية، أنه حرص على زيارة تامر فى منزله للاطمئنان عليه، قائلاً: زرت تامر فى البيت، والحمد لله هو أحسن كتير. صحيح لسه ملازم السرير ومش قادر يتحرك، بس ده لأن تامر بطبيعته إنسان نشيط ومش بيحب يبقى فى الوضع ده، حتى وهو داخل على العملية كان بيطمن عليا. وأضاف سعد بروح الدعابة التى جمعتهما خلال الزيارة: تامر بيعيش بالناس، وبيحب الناس وبيدى طاقة إيجابية دايمًا. وأنا عنده رحت نايم جنبه على السرير ومغطى نفسى وقلت له: "بص.. دا بوستر الحفلة اللى جاية". تعكس تصريحات سعد الود القوى بين النجمين، وتطمئن جمهور تامر على تطورات حالته الصحية بعد العملية.