عبر الفنان حسن مالك عن سعادته بنجاح مسلسل "لا ترد ولا تستبدل" الذي تم عرضه مؤخرًا على إحدى المنصات مشيرًا إلى أن العمل سيظل جزء مهم في مشواره الفني. ونشر حسن مالك صور وفيديو تجمعه بأبطال وصناع المسلسل من كواليس التصوير عبر صفحته الشخصية على «إنستجرام»وعلق قائلاً: "ممتن من قلبي ومن كل حتة في روحي لكل إنسان كان جزء من الرحلة دي من أصغر فرد لـ أكبر فرد". وتابع حسن مالك: "الرحلة دي ما كانتش شغل وبس.. كانت ناس وذكريات وضحك وتعب وحب ومواقف هتفضل معايا العمر كله" مضيفا:" اتعلمت كتير وكسبت أكتر صداقات حقيقية وخبرة من صناع بجد كل واحد فيهم ساب علامة". واستكمل حسن مالك: "بحبكم قوى وبشكر كل روح اشتغلت بإخلاص وكل قلب كان موجود بصدق.. المسلسل ده هيفضل دايمًا جزء جميل ومهم من مشوارى وحكاية أفتخر إنى كنت واحد منها". واختتم حسن مالك حديثه قائلاً:" أشوفكم على خير دايمًا وشكرًا على الدعوات اللى جتلى بعد الموت ويا رب دايمًا أكون عند حسن ظنكم وتفضل الأيام تجمعنا على خير .. بعوضة".