تحدث الفنان بيومي فؤاد عن تكرار تعاونه مع الفنانة ليلى علوي في فيلم «ابن مين فيهم». وقال بيومي فؤاد عبر تصريحات تليفزيونية له: «مش قلقان من التكرار لأن كتير دويتوهات نجحت في السينما المصرية من أيام الزمن الجميل وإحنا مش بنعمل قصة شبه بعضها حتى لو بيعتبر جزء تاني من الحدوتة بيبقى فكرة تانية حتى لو اشتغلنا بنفس المخرج والأبطال بتبقى فكرة تانية». وعن دوره في الفيلم قال بيومي فؤاد: «هو راجل ورث قرشين وضيعهم على جوازاته ونزواته لحد ما فلس وبعدها حصل له مفاجأة». وتابع بيومي فؤاد: «قعدت أتخيل شكل رشدي دا هيبقى إزاي واقترحت على هشام فتحي المخرج إننا نغير من شكله مش لازم نخليه راجل حلو عشان يقدر يوقع الستات دي كلها بس يبقى مختلف عن أعمالي السابقة وقعدت أذاكر أنه إزاي في السن دا هيوقع الستات دي باختلافتهن».