قال المخرج والمؤلف محمد دياب، إنه تلقى عرضًا للمشاركة في مشروع سينمائى ضخم من بطولة وإنتاج النجم الأمريكي توم هانكس، إلا أنه قرر الاعتذار عنه لعدم شعوره بالاقتناع الكامل بفكرته. وقال محمد دياب خلال تصريحات إذاعية له :«بفتكر أصدقائي اللى كنت بقول لهم على القهوة أو مع أصحابى الفنانين وأقولهم ده أنا جالي فيلم من توم هانكس ورفضت، طبعا ده يا مختل يا كذاب». أضاف: «أنا بعتبر نفسي مؤلف محترف ومخرج هاوي لازم أبقى بخرج حاجة فاهمها أوى، وعارف أنا بعمل إيه، لو جيت قلتلي هنعمل فيلم عن كائنات فضائية هعرف اعمله كمؤلف هقعد افكر فيه، إنما ايه اللى حصل توم هانكس باعت لي مشروع هو اللي مألفه وهو البروديوسر وهو الممثل دي صعبة أوي». تابع: «الفيلم قريته لقيته بعيد عنى بيتكلم عن الحرب العالمية الثانية في غواصة.. هو شافنى وأنا عامل فيلم اشتباك فى حتة ضيقة يبقى أنا هعرف أعمل في غواصة بس الفيلم محبتوش ولا تواصلت معاه إنسانيا وأنا مش هاجى انفذ.. عشان ميبقاش أنا اللى ضيعت توم هانكس».