حكى الفنان أحمد عزمي عن موقف لا ينساه للكاتب الراحل وحيد حامد وكيف وقف معه بعد مشكلة واجهته. وقال عزمي عبر تصريحات تليفزيونية له عن موقف وحيد حامد معه: «أستاذ وحيد حامد كلمني وطلب يشوفني وعرض عليا إني أكون بطل مسلسل "الجماعة" الجزء التاني، واللي أدى الدور أستاذ كبير وعظيم هو محمد فهيم حيث جسد شخصية "سيد قطب"، لكن أنا مضيت العقد وكان الأستاذ شريف مندور مخرج الجزء التاني هو اللي أنا اتقدمت له ووافق عليا، وقتها أستاذ وحيد بعت للإنتاج وقالهم أحمد عزمي خارج من أزمة طلعوا له 20% مش 10 % عشان يشوف وراه إيه». وفسر عزمي لماذا لم يقدم دور «سيد قطب» في المسلسل قائلا: «بعدها المخرج اعتذر وجابوا مخرج تاني ووقتها هو طلب ممثل جديد يشتغل معاه على الشخصية، أستاذ وحيد بعتلي وقالي إحنا زي ما إحنا في التعاقد ولكن هتعمل شخصية "عبد الرحمن السندي" اللي أنت قدمتها في الجزء الأول، وكنت حاسس باحتضان منه».