حكت الفنانة غادة عادل عن فترة فكرت فيها في الاعتزال بسبب حقن وجهها. وقالت غادة عادل، عبر تصريحات تليفزيونية لها: «سنة 2007 كنت بعمل مسلسل "قلب ميت" وقتها كنت لسه صغيرة مش محتاجة حقن للوجه بس كنت خاسه أوي، الستايلست قالتلي ننفخ شوية الخد وكنت عمري ما عملت حاجة خالص في حياتي معرفش أصلا يعني إيه دكتور تجميل، رحت وحطلي حاجة في خدي وحسيت إني عندي نضارة عملت مرة وخلاص وبعدين قعدت فترة ألاقي حاجة طالعة في وشي مش عارفة دي إيه أروح لدكاترة يعملولي كشف ومش عارفين». وتابعت غادة عادل: «بعدها بكذا سنة سافرت إنجلترا وروحت لدكتور سألني إنتي عامله حقن؟ قلتله لا وأحلف إني مش عاملة أنا مش بكذب أنا عملت من سنين وفاكراه بيروح، عمل أشعة طلع الدكتور حطلي مادة بتفضل مش بتدوب». وأكملت: «بعدها حصل تليف و باظ خالص، ربنا ألهمني وقابلت دكتور طيب وقالي عشان يشيل المادة دي لازم أعمل تجميل في الوش والحمد لله مغيرتش حاجة في شكلي ورجعت زي الأول».