فى اطار حلول الذكرى الأولى اليوم لرحيل الفنانة الكبيرة دلال عبد العزيز عن عالمنا ، انتشر " بوست " عبر صفحات التواصل الاجتماعى جاء فيه : " بمناسبة أن دى الذكرى الأولى لوفاة دلال عبد العزيز، ليه دور لمياء فى مسلسل " سابع جار" .. يعتبر من احلى واهم أدوارها؟
لمياء قدرت تجمع فيه أهم صفات الام المصرية الأصيلة، تفاصيل الشخصية كانت مليانة حنان واحتواء الام وفى نفس الوقت عصبيتها واعتراضها الدائم على اى قرار، قلقها وخوفها الدائم على ابنائها، حزنها واكتئابها وقلة حيلتها، البحث عن عرسان لبناتها باستمرار، طريقة المذاكرة اللى اتبعتها مع ابنها والتعامل معاه كل ماتعرف مصيبة جديدة، خناقات الخروجات والصوت العالى، حجزها لمكان دائم فى الكنبة وعدم تغييره،جهلها بالتكنولوجيا ورفضها الدائم أنها تتعلم، كمان كانت اخت جدعة وخالة حنينة، حتى ملابس الشخصية كانت ملابس الام المصرية، وتفاصيل كتير لايمكن هيعدى عليك المسلسل من غير ماتشوف فيه صفات وتفاصيل وكلمات وجمل والدتك بتقولها وبتمارسها باستمرار، الدور دا يمكن هو السبب بتعلق الجيل الجديد وصدمته بوفاة دلال لأنه هيفضل احن واجمل أدوارها ".