نشرت الفنانة منة فضالي صورة لقدمها بعد خضوعها لعملية جراحية وذلك عبر حسابها الشخصي بموقع تبادل الصور والفيديوهات إنستجرام.

وعلقت على الصورة قائلةً: "من شوية عملت عملية في رجلي بسبب صباعي، وكل ده من الباديكير".

وتابعت: "في ناس هتتريق وتقول يعني إيه باديكير، هقولكم أنا بقالي ٩ أيام بشتغل وأنا تعبانة جدا وبتصور وبنزل صور وأنا بضحك وأنا في الكواليس وأنا وسط زملائي".

واستكملت: "اللي عاوزه أقوله إن شغلانتنا صعبة مش ترفيه زي ما كل الناس فاكرة، احنا أكتر ناس بتكون مضغوطة وحقيقي محدش بيحس بوجعك غير نفسك".
واستكملت: "بس بجد كل الناس في لوكيشن الونش من المخرج اسماعيل فاروق لآخر حد في الكرو كان بيساندني، شكرا ليهم فعلا وحقيقي حب الناس ده نعمة من ربنا".
وجاءت تعليقات الجمهور داعيةً لها بالشفاء كما يلي: الف سلامة، معلش سلامتك، شفاك الله وعافاكي، خلي بالك من نفسك وبلاش تكرريها.
و تشارك الفنانة منة فضالي أيضا في فيلم "مغامرات كوكو" بطولة: بيومي فؤاد، خالد الصاوي، حمدي الميرغني، أوس أوس، إيهاب فهمي، نانسي صلاح، عمرو عبدالعزيز، رحمة أحمد.