استنكر الفنان أحمد عيد تحريف تصريحاته الأخيرة بشأن غيابه عن الساحة الفنية مؤخراً، مؤكداً: «كلامى بيتحور أحیاناً عشان أبان بشتكى أو مظلوم.. ليه مش عارف؟!«.
وكتب أحمد عيد، عبر صفحته الرسمية على موقع التواصل الاجتماعى «فيسبوك»: «لقيت تصريح متاخد من سياقه من كلام كان بيتقال بهزار.. حابب أوضح إنى مقصدش أشتكى ولا أبان عندى مظلومية.. أنا الحمد لله بيتعرض عليا شغل كتير وأنا اللى مش عايز اشتغل غير اللى شايفه كويس احتراماً لنفسى وللجمهور».
وأضاف أحمد عيد: «أنا مش فارق معايا اشتغل أصلاً أو مشتغلش، المهم أعمل اللى أنا مقتنع بيه، أنا مادياً مش محتاج ولا عندى مشكلة.. الحمد الله.. بالنسبة للأخ اللى عمل تعليق على الصورة بيقولى مالك يا أستاذ أحمد عينك فيها حزن ليه وسايب دقتك وشنبك.. عايز أقوله إن بس ده راكور عشان بصور حالياً.. وبجد بشكركم كلكم على رسائل وبوستات الدعم والمحبة».
ويُشارك أحمد عيد، فى موسم دراما رمضان المقبل من خلال مسلسل «عملة نادرة»، بطولة الفنانة نيللى كريم، وهو من تأليف مدحت العدل، وإخراج ماندو العدل.