لم تتمالك الفنانة سحر رامي دموعها أثناء حديثها عن زوجها الفنان الراحل حسين الإمام، الذى تحل ذكراه التاسعة خلال الأيام الحالية. وبكت سحر رامي وهي تتحدث عن زوجها وتستعيد ذكرياتها معه خلال لقاء تليفزيوني وقالت عنه: «لما بفتكره مبيجيش على بالي أي حاجة وحشة، يمكن مكنش فيه، أكيد كان في لحظات بنتعصب، بس دايما بفتكر الحلو». وحكت سحر رامي كيف تعرفت على حسين الإمام، وقالت: «حسين أتعرف عليا في إعلان (الشراشيب).. هو كان بيقوم بالتعليق الصوتي على بعض الإعلانات وأول إعلان عملته كان عن السجاد وكان بصوته، ونجح نجاح كبير». وتابعت رامي حديثها قائلة: «حسين الإمام شاف الإعلان في التليفزيون وقال أنا هتجوز البنت دي، وبعدها كنت بقدم مسرحية، وجاء هو ووالده المخرج الكبير حسن الإمام واتقابلنا هناك وسلم عليا، بعدها قدمت الفوازير مع سمير غانم وجالي في الكواليس وسألني إن كنت فاكراه وحكالي على فرقة (طيبة)، وأنا مكنتش عارفاها بس قولت له إني عرفاها، وطلب مني إنى اشتغل معاهم وأخد تليفوني وتقاربنا، بس مشتغلتش معاه، كنت ماضية عقد وفضلت طول السنين أقوله مش هتنفذه؟»