أبدت الفنانة نبيلة عبيد استعدادها لتبنى طفلة من ضحايا زلزال تركيا وسوريا.
وفى تصريحات تليفزيونية لها قالت نبيلة عبيد: «متأثرين كلنا جداً بالمأساة الكبيرة اللى بنتابعها كل يوم للشعبين التركى والسورى. أنا شفت مشهد الحقيقة مش قادرة أجمع أعصابى، الست اللى ولدت تحت الأنقاض اللى ساعدها فى الولادة راجل، وهى توفت بعد الولادة، وهو أخد البنت وخرج من تحت الأنقاض، حاجة لغاية دلوقتى مخلية الواحد مش بينام».
وتابعت نبيلة عبيد «أنا بس عايزة أعرف مصير الطفلة دى فين عشان قلبى واجعنى عليها وعليهم كلهم، ولو قادرة أروح واشترك معاهم هروح، عايزة أعرف مصير الطفلة اللى اتولدت تحت الأنقاض، هى موجودة فين، ولو هى عند حد ويقدر يتواصل معايا أنا مستعدة آخدها، يارب شيل عنا وعن العالم كله»
وتتواصل مبادرات النجوم والفنانين العرب للتبرع بالمال والدم، للمساعدة فى تخفيف معاناة منكوبى الزلزال.