كشف الفنان محمد رمضان تفاصيل شخصيته فى فيلمه الجديد «ع الزيرو»، الذى يعود به إلى السينما بعد غياب 4 سنوات.
ويقدم محمد رمضان خلال أحداث الفيلم شخصية «دى جى»، وقال رمضان عبر تصريحات تليفزيونية له: «بعمل مهنة جديدة مهنة (دى جى) بس راجل بسيط ملتزم فى بيته، زوجته متوفية وهو اللى بيراعى ابنه».
وأضاف محمد رمضان: «لأول مرة بنقدم الشخص اللى بيلعب مزيكا وحياته كلها فى السهر بس لازم يصحى بدرى عشان يهتم بابنه ويوديه المدرسة، بيحصله مشكلة وتنقلب حياته رأساً على عقب، وفى الآخر الناس هتنبسط».
ووصف محمد رمضان الفيلم قائلاً: «الفيلم أكشن، فيه عدد من الأغانى وقصة حب بينى وبين نيللى كريم، وبه كوميديا».
فيلم «ع الزيرو» من تأليف مدحت العدل، إخراج محمد العدل، وبطولة محمد رمضان ونيللى كريم والطفل منذر مهران.