كشف الفنان محمد نور عن رأيه فى أغانى المهرجانات، كما تحدث عن علاقته بأصدقائه فى فريق «واما». وقال محمد نور عبر تصريحات تليفزيونية له: «لكل مقام مقال والفنان يقدر يغنى كل ألوان الأغانى، أنا قدمت أغنية (جانى فى ملعبي)، وهى من توزيع إسلام ساسو، وهو واحد من أشطر الناس والأغنية كانت حلوة جداً». وتطرق الحديث عن علاقته بأصدقائه من فريق «واما»، وقال: «أحمد الشامى من أطيب الشخصيات، أحمد فهمى من أكتر الشخصيات اللى بتفهمى بشكل مباشر، ونادر حمدى من أكتر الشخصيات الكتومة ما تفهموش بسهولة. يعنى ما تعرفش هو فرحان، ولا زعلان، ولا متضايق». وأضاف نور: «أنا الحقيقة مبسوط إن كل واحد عمل حاجة ونجح، ولما بنرجع مع بعض بنجتمع بنعمل حاجة حلوة وروحنا كمان حلوة مع بعض، إحنا ناقص بس نعمل فيلم سوا إن شاء الله يعنى». وكشف نور أنه يحب تقديم كل ما هو جديد، وأن تكون الأغنية جيدة، قائلاً: «بحب اشتغل مع ناس فاهمين وأعمل حاجة حلوة تعجب الجمهور».