لأول مرة يشعر صابر بالخوف، ابنه اللى اتمناه من ربنا حواليه شر كبير، هل ده ابنه «عز» ولا «المعهود» اللى بيتكلموا عليه، دخلت عليه رحاب زوجته فى المطبخ فوجدته يحمل سكيناً وكأنه سيقتل أحداً حتى إنها خافت على ابنها ورفضت أن تعطيه له بحجة أنه لازال جائعاً، ويبكى.
كلام أحلام أن فى عيون فى الفنجان مش من صلبه جننه أكتر، وذهب إليها ليفهم منها ماذا تقصد.
 صابر حزين لا يعلم حتى ماذا يحدث له، إيه اللى بيحصل فى إيده، إيه اللى بيشوفه ده، اتصل عليه شخص قال له «حل ابنك عز عندى» وبسرعة قرر صابر يسافر إلى لبنان لمقابلة الأمير»عبدالعزيز مخيون» عشان يعرف فى إيه.
ينتقل المشهد إلى جمال «محمد مهران» خطيب أمينة السابق هيتجنن، مش قادر حتى يتحكم فى عقله، لحد دلوقتى مش عارف إزاى ساب أمينة حب عمره، لكنه واثق إن اللى حصل ده خارج إرادته، فقرر الذهاب لحمزة شقيق أمينة يترجاه يشوف حل ويقول له أنا بشوف حاجات غير طبيعية وأكيد أمينة كمان، أنا هروح المغارة، أنا لازم أفهم.
وبمجرد دخوله للمغارة تهيأ له الجن على شكل حمزة وحاول قتله، جرى من المغارة خائفاً وعندما عاد إلى بيته اتجنن، فضل يكلم نفسه لحد ما وقع على الأرض، حتى رحاب زوجة صابر ابنها اختفى مرة واحدة وظهر من جديد.
ينتقل المشهد إلى صابر مرة أخرى بعدما نام من التعب استيقظ على صوت كرسى بيتحرك، طيب ازاى وصابر لوحده تماماً فى الغرفة، وفجأة ظهرت أمامه حروف غريبة هو نفسه مش قادر يفهم فى إيه، وفى الصباح خرج ليجد رجلاً غريباً ينادى عليه «يا صابر»، ويقص عليه ما حدث معه وذهبا معاً، وفى الطريق سأله صابر عن «هند بنت الأحمر»، ملكة الجن مين دى، قال له: «فى الجن كل قبيلة تحمى الأخرى وقبيلة هند راجعة تنتقم منك عشان اللى عملته فى مليكة وفى شامخ لما حرقت الكتب.
خوف شديد سأله صابر «عاوزين منى إيه تاني»، قال: «له المفروض تخاف من قُزح اللى قابلته فى المغارة».
بحزن شديد سأله صابر: «طيب وابنى؟»، «ابنك وراه لعنة كبيرة».. وقبل ما يكمل كلامه ويقول له الحل ظهر أمامهما جن كبير خبط العربية اللى راكب فيها صابر وتسبب فى حادث له.. والراجل الغريب اللى جنبه اختفى فجأة.
مسلسل «المداح» يواصل تفوقه وتصدره قائمة الأكثر مشاهدة، القصة مشوقة والأحداث سريعة. انيا فريد شوقى دورها مختلف عما قدمته من قبل ومشوق. سلمى أبو ضيف فى أول مرة تقدم دور صعيدية كانت جيدة جداً فيه، محمد مهران ممثل مبدع، وتلقائى بشكل كبير واللهجة الصعيدى لديه جيدة جداً، عبدالعزيز مخيون دوره مختلف وجديد.