عارف يعني إيه إحساس واحد حواليه عشيرة كاملة من الجن عاوزة تاخد ابنه وبتقول عليه من نسلنا، كل مدى رحلة المداح بتكون أصعب وصراعه الدائم بين عالم الجن والأنس بيكون أقوي، المرة ديه الصراع على ابنه، صابر في حيرة هيتجنن ولكن قرر أنه ياخد ابنه ويقرأ بعض آيات من القرآن لكن حتى دي مقدرش عليها بمجرد ما بدأ يقرأ مقدرش يكمل من شدة الألم وإيده توهجت بالنور وفجأة ظهرت ملكة الجن هند بنت الأحمر، لكن المرة ديه معاها عشيرة كاملة من الجن عاوزين يخدوا عز من صابر أو زي ما بيقولوا عليه الطفل المعهود، صابر فضل يصرخ ويقول ابني لا، ابني لأ عاوزين ياخدوا ابني مني وكل أما حد يقرب منه عشان ياخد الطفل يرميه بعيد عنه لحد ما والدة صابر خدت منه عز، ده حتى رحاب خافت منه وقررت تاخد عز وتسيب البيت لكن صابر هو اللي مشي، راح لبيت والده القديم وفجأة ظهر والده اتكلم معاه صابر عن عز معقول مايكونش ابني قال له استفتي قلبك، أما هايم الجن المتنكر في صورة رجل أعمال ظهر للدكتور الجامعي إبراهيم رشدي ومن الواضح أنه خايف منه وإن الدكتور بيحمل سر التابوت وكتاب العهد القديم وبيحاول هايم يضلله ولكن الدكتور عارف دوره كويس وواضح أنه نصير للخير، الجن مش هيسيب صابر في حاله وبيحاول بكل الطرق ينتقم منه وده اللي خلى قرين عماد يظهر مرة أخرى بعد حرقه للدكتور بشخصية الشاب وليد المعجب جدا بالدكتور وبيحاول بكل الطرق يعرف منه أسرار أكثر عن التابوت وكتاب العهد القديم، "خايفة من إيه يارحاب خايفة من عزيز ومن اللي أعز منه، الشر لسه مجاش بس جاي" كلام أحلام لرحاب خلاها تخاف أكتر خاصة بعد ما قرأت لها الفنجان رغما عنها، أما حسن فحاول بكل الطرق يرجع صابر للبيت وفجأة وهما قاعدين موبايل صابر اشتغل لوحده على فيديو للدكتور بيقول فيه "الحرب الأبدية بين الإنس والجن بدأت من بعد خلق سيدنا آدم وقسم إبليس واستشهد بأية "قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الْأَرْضِ وَلَأُغْوِيَنَّهُمْ أَجْمَعِينَ 39 إِلَّا عِبَادَكَ مِنْهُمُ الْمُخْلَصِينَ"، وسئل مستنكرا الحرب ديه هتنتهي أمتي؟ إلي يوم البعث، في الحقيقة أنا الأيام ديه بشوف ناس كتير بتتكلم عن علامات الساعة وأنا ساناقش الموضوع بالتفصيل، جاي تقتنلي بيدك المرة دي يا حمزة أمينة خايفة من حمزة أخوها خاصة بعد ما حاول يتخلص من اللي في بطنها لكنه خايف عليها فعلا وحاول يقنعها أنها تتخلص منه اللي في بطنك يا أمينة ده مش خير وأنت عارفة، لكنها مصممة تتمسك بيه لكن أمينة راحت برجليها مرة أخرى للمغارة ولكن فجأة ظهر قدامها خطيبها القديم جمال!!