عبر المخرج ماندو العدل عن سعادته بتكرار التعاون مع النجمة نيللى كريم والنجاحات التى يحققها معها. وقال ماندو العدل عن نيللى كريم، عبر تصريحات إذاعية: «أتمنى كل الممثلات اللى اشتغل معاهم فى حياتى، وكل الممثلين يبقوا نيللى كريم، عندها كل حاجة يتمناها المخرج». وأضاف: «عندها موهبة جبارة، نجومية جبارة والتزام واحترام، ومعندهاش أمراض النجومية ومين صورته أكتر منها، مفيش الكلام دا، بتيجى التصوير مذاكرة وبتسمع الكلام وعندها ثقة فى نفسها وثقة فى المخرج، وهى حققت نجاح مع كل المخرجين اللى اشتغلت معاهم؛ كاملة أبو ذكرى، وتامر محسن». وأكمل: «أنا ببقى سعيد وأنا بشتغل معاها والتاريخ هيفتكرها أنها أهم ممثلة فى جيلها عملت مسلسلات». يذكر أن ماندو العدل يتعاون هذا العام مع نيللى كريم فى مسلسل «عملة نادرة». مسلسل «عملة نادرة» تأليف مدحت العدل، وإخراج ماندو العدل، وبطولة نيللى كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندى موسى، محمد لطفى، على الطيب، مريم الخشت، هشام عاشور، نهى صالح، ومحمد فهيم، رمزى العدل، وئام مجدى، بالإضافة إلى عدد كبير من الفنانين الشباب.