فى أحد اللقاءات التليفزيونية الرائعة جداً مع الفنان الراحل علاء ولى الدين، سألته المذيعة عن دوره فى فيلم «الإرهاب والكباب» مع الفنان عادل إمام، خاصةً أن دوره كان مختلفاً وصعباً.. * إزاى عملت دورك فى فيلم «الإرهاب والكباب».. والعمل مع الأستاذ عادل إمام بشكل عام إزاى؟ - هو الأستاذ عادل كان متتبع ليا خطوات، وكان دايماً يبعت ليا رسايل يقولهم قولوا لعلاء أنا متابعه، وهو ممثل كويس جداً، فكنا فى فرح معزومين فيه، وفوجئت بالأستاذ عادل جاى وبيقولى «إنت أخبارك كويسة وأنا متابعك وأنا قريب خاطفك معايا في حاجة»، أنا طبعاً مانمتش، ولقيت بعد فترة الأستاذ شريف عرفة بيكلمنى وبيبعتلى.. فى الدور ده قالى الأستاذ عادل وأستاذ وحيد حامد رشحوك معانا فى الدور ده، وعملت الدور فعلاً وكان حسن استقباله كويس جداً، وعمل معايا نقطة تحول كبيرة قوى قوى قوى».