أبدى الفنان تامر حسني، سعادته بتفاعل جمهور الكويت معه خلال حفله الذي أحياه في مهرجان «صيف الكويت». وشارك تامر حسني جمهوره لقطات من الحفل عبر حسابه على "إنستجرام"،  ولاحظ الجمهور تأثره الشديد خلال غنائه أغنية « ارجعلي».
وعلق تامر قائلا: «ده ملخص ليكم من حفلة الكويت للي معرفش يشوف منها حاجة بس أنا هكتب عن اللحظة اللي عدت عليا مع جمهور الكويت العظيم في آخر الفيديو لحظة حب عمري ما هنساها».
وأضاف: «أحيانا الفنان بيتأثر ويصل للحظة اندماج وصدق وتوحد مع الأغنية، بتخليه يتأثر ويضعف من داخله، لدرجة محدش ممكن يتخيلها، وده غصب عنه طبعا، بما إنه إنسان، وقمة السعادة والحب لما الجمهور يحس بكدة، ويقرر أن يتحول لقلب واحد، وأشوفه فجأة سند وضهر بيشجعني زي مدرب لاعب الملاكمة اللي بيشجع اللاعب بتاعه عشان يقوم ويكمل.. شكرا شكرا شكرا من كل قلبي جمهور الكويت الراقي».
وقدم تامر حسني مجموعة من أغانيه منها «يا بنت الإيه»، و«كل سنة وأنت طيب» و«بحبك» و«عيش بشوفك» و«بعيش»، وميدلي جمع بعض من أغانيه.