كان للفنان فؤاد المهندس برنامج إذاعى شهير يلقى به إحدى الكلمات والنصائح المؤثرة، فالفنان فؤاد المهندس عرف بثقافته وحكمته فى اختيار كلامه، وفى إحدى الحلقات قدم لنا درساً مهماً فى الحب طالما غفل عنه الكثيرون.

كلمتين وبس 
«عن الحب الحقيقى»
 الحب مش سبب كافى لإننا نكمل، الحب مش سبب كافى لأى حاجة، يا فرحتى لما تبقى بتحبنى بس مش فاهمنى.. بتحبنى بس مش عارف تخلينى مبسوط.. بتحبنى بس مش عارف تكتفى بيا.. بتحبنى وبينا مشاكل ملهاش حل، ومفيش حاجة اسمها لو بيحبك مش هيعمل كذا وكذا هى مش قواعد، أكتر ناس ممكن تقرفك فى عيشتك هما اللى بتحبهم وبيحبوك.. الحب ونقطة مش كفاية، التفاهم أهم من الحب، الأمان أهم من الحب، الثقة أهم من الحب، إنك تبقى مطمن إنك مش هيتغدر بيك وتتساب مع أول مشكلة أهم بكتير من الحب، إنك تبقى نايم عارف إنك لا هتتخان ولا هتتهان دا أهم من الحب، الراحة إنك تبقى مرتاح فى طريقتك لا بتتصنع ولا بتترسم، ولا فى تكاليف على أسلوبك، دا أهم من الحب، الحب مشاركة مش امتلاك، الحُب إنك تشاركنى وأشاركك كل حياتنا سوا سوا.. الاهتمام أهم من الحب.. الاحترام أهم من الحب.. التفاهم أهم بكتير من الحب، الناس اللى يقدروا يوفروا لنا حياة هادية وفيها تفاهم وأمان وراحة هما دول اللى يستاهلوا الحب، هما دول إلى هنكمل بيهم.. مش كده ولا إيه؟