ردت الفنانة ألفت عمر عن تساؤلات الجمهور حول تغير ملامحها وزيادة وزنها، مؤكدة أنها حالة مرضية بسبب عملها فى الوسط الفنى. وكتبت ألفت عمر عبر حسابها بموقع «فيسبوك»: «لما كتير سألونى ايه اللى حصل لى؟ قلت أقولكم، طلع عندى كسل فى الغدة الدرقية نتيجة حرق الأعصاب والدم فى الشغلانة دى، والغدة بتعصبك وبتحجز المية تحت الجلد، وبتعطل الحرق فى الجسم مهما عملت دايت مش هتخس وترجع ذى ما كنت، فالحل إيه؟». وتابعت: «جيم طول الوقت عالأقل ٤ أيام فى الأسبوع، دايت أكل وشرب حاجات معينة تزود الحرق، وتهدى خالص، وتعيش بأعصاب باردة اللى يحصل يحصل، وفعلاً النجاح والبريق ليه وقته، والأرزاق بيد الله، مهما كنت شايفة نفسى شاطرة وأستاهل، عملت كده وخلال ٣ أسابيع لشهر كانت دى النتيجة ولسه بكمل، دعواتكم إن شاء الله أقدر اكمل من غير قلق» يذكر أن ألفت عمر شاركت فى رمضان 2023 بمسلسل «سره الباتع» بطولة أحمد السعدنى، خالد الصاوى، حسين فهمى، هالة صدقى، أحمد عبدالعزيز، أحمد فهمى، ريم مصطفى، هدى المفتى، حنان مطاوع، والمسلسل مأخوذ عن قصة قصيرة للأديب الراحل يوسف إدريس، تأليف وإخراج خالد يوسف.