كشفت الفنانة سوسن بدر، عن أمنيتها فى حال عدم عملها فى المجال الفنى، لافتة إلى أنها لو لم تكن فنانة ستكون بالتأكيد ربة منزل. وقالت سوسن بدر فى تصريحات إذاعية: «أنا من أنصار تعليم المرأة لكن فى نفس الوقت بشوف أن الست لو قادرة أنها تتعلم كويس جداً لكن متشتغلش عشان تربى عيالها هى كده بتحقق ذاتها أكتر من أنها تنجح فى شغل وتبقى دكتورة ناجحة». وتابعت: «فى 10 مليون دكتورة ناجحة، لكن إنك تطلعى جيل متعلم ومتربى، وعيالك شبعانين من حضنك وتربيتك وأخلاقك، لو قادرة الست تستغنى عن شغلها وتعيش أم واعية ومتعلمة ومثقفة دا أهم، هيقولوا عليا رجعية ومتخلفة دا رأيى، أنا بقول اللى قادرة إنها متشتغلش عشان تراعى بيتها وعيالها، دى حاجة مهمة». وكان آخر أعمال الفنانة سوسن بدر مسلسلا «جميلة» و«بابا المجال» حيث شاركت بهما فى السباق الرمضانى المنقضى. مسلسل «جميلة» بطولة ريهام حجاج، سوسن بدر، عبير صبرى، يسرا اللوزى، أحمد وفيق، هانى عادل، هشام إسماعيل، نبيل عيسى، سامية عاطف، صبحى خليل، سامح الصريطى، مدير التصوير وائل درويش، مهندس الصوت أحمد سمير، موسيقى تصويرية هانى عادل وهو من تأليف أيمن سلامة وإخراج سامح عبدالعزيز. أما مسلسل «بابا المجال» فكان مع مصطفى شعبان، باسم سمرة، نسرين أمين، سوسن بدر، جومانا مراد، رياض الخولى، سماء إبراهيم، محمود حافظ، أحمد كشك، محمد رضوان، عارفة عبدالرسول، هبه حسن، فرح يوسف، تأليف وإخراج أحمد خالد موسى.