تحدثت الفنانة ميمى جمال عن قصة زواجها من الفنان الراحل حسن مصطفى. وقالت ميمى جمال، عبر تصريحات تليفزيونية إنها كانت زميلة حسن مصطفى فى فرقة «سيد بدير» بمسرح التليفزيون، وكانت فى ذلك الوقت مخطوبة لضابط وكان يريدها أن تتوقف عن التمثيل، مضيفة: «قال لى أنا مستنيكى تخلصى تمثيل وبعدين نتجوز لأن أنا ظابط مينفعش تبقى مراتى ممثلة فحصلت لى كسرة وقتها، وكنت بعمل مسرحية (مطرب العواطف)، وكنت بحكى ليه على اللى حصل معايا، وكان والدى متوفى من وأنا صغيرة، وكان بيحكى لى على كل حاجة، وهو كان متجوز وعنده بنت». وتابعت ميمى جمال: قائلة: «الأستاذ سيد بدير جه قال لى طالما بتحبوا بعض طيب ما تتجوزوا، فأنا قولت ليه لا إزاى هو متجوز وعنده بنت، فقال ليه سيد بدير شوف مراتك وبنتك هتعمل معاها إيه وبعد كده نشوف، وبعد كده طلق مراته لأن فى مشاكل بينهم كتير، وماما كانت رافضة الجواز لأنه أكبر منى، وكان وكيل وزارة فى التربية والتعليم وكان ماسك المسرح المدرسى». واستكملت: «أنا ضغطت على ماما واجوزته وقولت ليها إحنا هنشتغل إحنا الاثنين ونكبر مع بعض». يشار إلى أن ميمى جمال شاركت فى رمضان 2023 فى مسلسل «علاقة مشروعة».