عبر الفنان محمود العسيلى فى تصريحات تليفزيونية عن سعادته بالمشاركة بأغنية «سمع هس» بفيلم «بيت الروبى» من بطولة الفنان كريم عبدالعزيز. وتابع العسيلى: «كريم عبدالعزيز بالنسبة ليا هو حاجة كبيرة جداً وشرف ليا أكون جزء من حاجة هو بيعملها، أنا عملتله أغنية قبل كده لمسلسله (وش تانى).. كريم خطير وحاجة كبيرة بالنسبة ليا إنى بعمل أغنية معاه مش بعمل أغنية لفيلمه». كما تحدث العسيلى عن النجم كريم محمود عبدالعزيز قائلاً: «كريم محمود عبدالعزيز خطير ومكسر الدنيا عنى، وعامل أغانى أنجح مننا كلنا، وهما كانوا لذاذ، وعاجبنى إنهم كانوا عايزين يغنوا، والأغنية دمها خفيف، والكواليس كانت حلوة أوى». أغنية «سمع هوس» من فيلم «بيت الروبى»، من كلمات فليبينو، وتوزيع وألحان أحمد طارق يحيى، وإخراج بيتر ميمى، ومن كلماتها: «عاجبنا بس إننا رايقين.. واللى زعلان ما يولع.. مالى إيه مالى.. مش شاغل عادى بالى.. عالى مزاجى عالى.. فين الفرحة هاتوهالى.. أهى أهى أهى.. الليلة الحلوة أهى». فيلم بيت الروبى بطولة كريم عبدالعزيز، كريم محمود عبدالعزيز، نور، تارا عماد، شريف دسوقى، حاتم صلاح، محمود السيسى، وضيوف الشرف محمد عبدالرحمن توتا، منى الشاذلى، مصطفى أبو سريع، سارة عبدالرحمن، والفيلم قصة وسيناريو وحوار محمد الدباح وريم القماش، ومن وإخراج بيتر ميمى.