أمير كرارة: الأكشن فى «البعبع» مختلف.. والتعامل مع ياسمين صبرى مريح جداً
همسه هلال

أعرب النجم أمير كرارة، عن سعادته بردود أفعال الجمهور حول أحدث أعماله السينمائية «البعبع» الذى يخوض به المنافسة ضمن موسم أفلام عيد الأضحى المبارك ٢٠٢٣.

وقال أمير كرارة فى تصريحات تليفزيونية: «طبعاً راضى عن إيرادات فيلم البعبع، وإحنا بنشتغل والإيرادات دى بتاعة ربنا، والحمد لله بنعمل حاجة تليق بالجمهور وفيلم محترم، وطبعاً المنافسة شديدة وأنا من محب الكريمين، وربنا يكرمهم ويكرم كل الناس».

وتابع كرارة: «مخوفتش، والفكرة كلها إن الورق شجعنى وواثق فى المخرج اللى معايا إنه هيظبط الكوميديا، والحمد لله كانت تجربة ممتعة وجديدة عليا».

وأضاف: «كان لازم أغير الأكشن؛ لأن الفترة اللى فاتت كانت كلها أكشن، يمكن كنت قلقان فى البداية إنى أقدم كوميدى، ولكن الحمد لله لقيت ردود فعل حلوة من الناس».

وعلق كرارة على مشاركة النجمة ياسمين صبرى له فى الفيلم قائلاً: «من التجارب الحلوة اللى اكتسبتها فى المهنة هو التعامل مع ياسمين صبرى، وهى بصراحة إنسانة وممثلة جميلة، وارتحت معاها فى التعامل، وأتمنى أشتغل معاها تانى، وعندها جمهور كبير جداً، والناس بتحبها جداً».

فيلم «البعبع» من بطولة أمير كرارة، ياسمين صبرى، باسم سمرة، محمد عبدالرحمن، محمد أنور، ورحاب الجمل ومحمد عبدالعظيم وغيرهم من الفنانين.