كشفت الفنانة آية سماحة عن أنها تنشغل حالياً بدور جديد يتطلب منها فقدان الكثير من وزنها، والظهور بنحافة ملحوظة. وقالت آية سماحة، عبر تصريحات تليفزيونية لها: «أول حاجة عرفتها عن الدور إنى لازم أخس 5 كيلو، وأنا رايحة فى أكثر فترة حاسة إنى مظبوطة فيها وخاسة». وأضافت: «الدور لشخصية عندها مرض معين هو البوليميا، ولازم أخس لدرجة إن العظم يبان». وتابعت: «عمرى ما عملت دايت فى حياتى، أنا بحب المحشى بالليل والمسقعة، وطباخة شاطرة ودى كارثة، وبقدر الزبدة أوى، لكن حسيت إنها فرصة جديدة، وبحب أعمل مجهود فى الدور». ورداً على سؤال حول تفاصيل النظام الغذائى الذى تتبعه للوصول إلى الشكل المطلوب للدور، قالت آية سماحة: «مفيش أكل تقريباً، الصبح أشرب سموثى وبعده سلطة، وطول اليوم حاجات كلها شرب، وبالليل شوربة». وأكملت: «بعيط من الجوع، وسباعى بيجرى ورايا لحد المطبخ علشان يمسكنى، أنا الأكل بالنسبالى حياة».