حلت أمس الأحد، 16 يوليو، ذكرى ميلاد الفنان الكبير الراحل، يوسف شعبان، وفى تلك المناسبة نسترجع مقتطفات من أحد اللقاءات التليفزيونية معه، والذى سُئل عن أول أعماله الفنية، فرد قائلاً:

* حضرتك تفتكر أول أدوارك؟
 - أول دور ليا كان مع عمر الشريف، قربت منه جداً وغيّر فكرتى أنه مش واخد التمثيل عشان وسامته وعينه لأ، لقيته راجل مثقف جداً، وكان يمتلك مكتبة فيها أندر الكتب.
* تعاملت تانى معاه فى أعمال؟
- فى موقف مستحيل أنساه مهما عدت السنين، بعدما أصبح عمر الشريف ممثلاً عالمياً وكل الناس تتكلم عنه، فى مرة كنا معزومين فى حفلة سفير إحدى الدول. المهم روحت الحفلة

عمر الشريف

ودخلت مكنتش أعرف حد، قعدت أدور على فريد شوقى عشان أقف أتكلم مع حد، وهو كان معزوم فى نفس الحفلة، شفت عمر الشريف واقف وكل الناس المهمة ملمومة حواليه، عينى جت فى عينه قولت هيطنش إحنا بقالنا 5 سنين ما نعرفش حاجة عن بعض، لقيته ساب كل الناس المهمة وجالى جرى يحضنى ويقولى أنا متابع أعمالك وقعدنا نتكلم، عرفت ساعتها قد إيه الراجل ده إنسان نضيف من جوه.