كشف الفنان محمد السعدنى، تفاصيل أحدث أعماله الفنية خلال الفترة المقبلة، مؤكداً أنه سيشارك فى مسلسل «الليلة كبيرة»، ويتم تصوير مشاهد العمل فى الفترة الحالية، ويجسد خلاله دور شخص من عصابة بشكل كوميدى فانتازى كارتونى. وقال الفنان محمد السعدنى، إن كثيرين يشبهونه بالفنان محمود العسيلى، مضيفا: «ساعات بيتقالى إنى شبه العسيلى، بس بحس إنى أحلى، ومعتقدش إن إحنا شبه بعض». وعن رأيه فى مشواره الفنى، قال: «مش عايز أقول إنى مخدتش حقى، وراضى بكل حاجة وصلت لها، وأتمنى الفترة الجاية يبقى فيه تركيز أكتر، ومش بحب الجملة ديه، عملت كده قليل مع ناس بحبهم وبيحبونى، وده حصل قليل أوى، ومش بعرف أطلب حاجة». وواصل: «مهنة التمثيل لازم تبقى دراسة مع موهبة، مينفعش الدراسة بس والموهبة بس، آداب قسم مسرح طلع نجوم من هناك، وليا أصحابى من هناك».